Malittarisassat

§ 1. Aqqa angerlarsimaffialu Imm. 1. Kattuffiup aqqa “Nunatsinni Tusagassiutilerisut Kattuffiat” Imm. 2. Kattuffiup angerlarsimaffia “Kommuneqarfik Sermersooq”

§ 2. Siunertaq

Imm. 1. Kattuffiup siunertaa unaavoq:

1. – ilaasortat ataqatigiinnerannik nukittorsaaneq
2. – ilaasortat soqutigisaasa ataqatigiissarnissaat, pisortanut allanullu suleqatigisanut suliaqarnermut.

§ 3. llaasortaaneq

Imm. 1. Nunatsinni najukkani radioqarfiit tv-qarfiillu, lnatsisartut radioqarneq tv­-qarnerlu pillugu inatsisaat malillugu aallakaatitsinissamut akuersissutillit, ilaasortaasinnaapput. Aamma ilaasortaasinnaapput suliffeqarfiit, peqatigiiffiit inuillu ataasiakkaat, radiokut tv-kullu aallakaatitassiornermik suliallit.

Imm. 2. llaasortanngorniarneq allaffeqarfimmut, allaganngorlugu tunniunneqassaaq. llaasortanngorneq atuutilissaaq, ilaasortaanermut akilliut akilerneqareerpat.

Imm. 3. llaasortaajunnaarneq allaffeqarfimmut allakkatigut nalunaarutigineqassaaq. llaasortaajunnaarneq qaammatinik pingasunik piffissalerlugu nalunaarutiginieqartassaaq. Imm. 4. llaasortat akiliutaat ataatsimeersuarnermi aaliangerneqartarpoq. llaasortaanermut akiliut ukioq affakkaarlugu akilerneqartassaaq.

§ 4. Ataatsimeersuarneq

Imm. 1. Ataatsimeersuarneq kattuffimmi oqartussaasuni qullersaavoq.

Imm. 2. Ukiumut ataasiarluni ataatsimeersuartoqartassaaq maajip naannginnerani. Ataatsimeersuariaqqusisoqartassaaq sapaatip akunnerinik arfineq marlunnik piffissaliilluni. Ataatsimeersuariaqqusineq allakkatigut mail-ikkulluunniip pisassaaq, oqaluuserisassat ilanngullugit.

Imm. 3. Ataatsimeersuarnermi taaseqataallutik peqataasinnaapput ilaasortat ilaasortaanermut akiliummik akileereersimasut, kingusinnerpaamik ataatsimeersuarnissaq sapaatip akunnerinik marlunnik sioqqullugu. Ataatsimeersuarnermi taaseqataalluni peqataasoq, allakkanik taaseqataasinnaassutinik nassatalik taasiissussisinnaavoq, annerpaamilli taaseqataassutit marluk taaseqataassutigineqarsinnaapput.

Imm. 4. lleqquusumik ataatsimeersuarnermi minnerpaamik oqaluuserisassat ukuussapput:

• Taasinernik kisitsisussamik qinersineq.
  • Aqutsisussamik qinersineq.
  • Siulersuisut nalunaarutaat.
  • Naatsorsuutinik akuersineq.
  • llaasortaanermut akiliutip aaliangerneqarnera.
  • Missingersuutinik akuersineq.
  • Siunnersuutinik oqaluuserinninneq.
  • Siulittaasumik qinersineq.
  • Siulersuisunik ilaasortanik pingasunik, sinniisussanillu marlunnik qinersineq. Siulersuisunut llaasortatut qinigaasinnaapput, NTK-mut ilaasortat sinnerlugit peqataasut. Siulersuisunut llaasortat sinniisussallu ilaasortaanerminnit tunuassapput, ilaasortap sinnikkap allakaa­titsinermut akuersissutini annaasimappagu.
• Kukkunersiuisumik qinersineq.
• Tamalaat.

Imm. 5. Siunnersuut ataatsimeersuarnermi eqqartortikkusutaq, siulersuisunut tunniunneqariissaaq ataatsimeersuarnissaq sapaatip akunnerinik pingsunik sioqqullugu. Malittarisassanik allannguiniarluni siunnersuutit, ataatsimeersuarnermi eqqartortikkusutat, siulersuisunut tunniunneqariissapput ileqquusumik ataatsimeersuarnissaq qaammammik ataatsimik sioqqullugu. Oqaluuserisassat pappiaqqallu atugassat, ataatsimeersuarneq sapaatip akunnerinik marlunnik sioqqullugu nassiunneqassapput.

Imm. 6. Ataatsimeersuarneq aqutsisumik, siulersuisunut ilaasortaanngitsumik aqunneqassaaq. Imm. 7. Ataatsimeersuarneq aaliangiffiusassaaq nalinginnarmik ammerlanerussutiliilluni, taamannalu nappaanermik ingerlassalluni. Ataatsimeersuaqataasumik ataasiinnarmik piumasarineqarpat allakkatigut taasineq ingerlassasoq, allakkatigut taasisoqassaaq. lnunnik qinersinermi, qinigaasussanik amerlanernik qinigassanngortittoqarsimappat, taasineq tamatigut allakkatigut pissaaq. lnunnik qinersisoqartillugu, nalinginnarmik amerlanerussusiineq aaliangiisuusasssaaq.

§ 5. lmmikkut ittumik ataatsimeersuarneq

Imm. 1. lmmikkut ittumik ataatsimeersuartoqarsinnaavoq, siulittaasup, siuleruisuniluunniit ilaasortat amerlanerussutillit kissaatigippassuk. lmmikkut ittumik ataatsimeersuartoqassaaq, ilaasortat pingajorarterutaasa siulittaasumut allakkatigut kissaatigisimappassuk.

Taamaattoqartillugu ataatsimeersuarneq ingerlanneqassaaq, siulittaasumut saaffiginninnerup kingorna, sapaatip akunneri sisamat qaangiutinnginneranni.

Imm. 2. lmmikkut ittumik ataatsimeersuariaqqusineq pissaaq sapaatip akunnerinik marlunnik piffissaliilluni.

§ 6. Kattuffiup ulluinnarni aqunneqarnera.

Imm. 1. Kattuffiup ulluinnarni aqunneqarnera siulersuisuniippoq, tassaasut siulittaasoq ukiut marlukkaarlugit qinerneqartartussaq, siulittaasup tullia, siulersuisunullu ilaasortat marluk.

Siulersuisut ataatsimeersuarnermi qinerneqartassapput ukiut marlukkaarlugit.

Imm. 2. Kattuffik malittarisassat ataatsimeersuarnermilu aaliangikkat aallaavigalugit, siulersuisunit aqunneqassaaq.

Imm. 3. Siulersuisunik nutaamik qinersinerup kingorna, ullut 14-ip qaangiutsinnagit, siulersuisut inississorlutik ataatsimiissapput, tassani akunnerminni siulittaasup tullissaanik qinersillutik. Qinersinerit ataatsimeersuarnissap tungaanut atuutissapput.

Imm. 4. Siulersuisut nammineq suleriaasissartik aaliangissavaat. Sulianut ataasiakkaanut siulersuisut ataatsimiisitaliaaqqanik sanasinnaapput.

Imm. 5. Siulittaasup, taassumalu peqannginnerani siulittaasup tulliata, siulersuisut ataatsimiigiaqqusassavai, ataatsimiinnerillu aqullugit. Ataatsimiigiaqqusinerit oqaluuserisassanik imaqartassapput. Ataatsimiigiaqqusinerit pisassapput siulittasup, siulersuisunulluunniit ilaasortat pingasut siulittaasumut piumasarippassuk.

Taamaattoqarsimatillugu, ataatsimiinneq ingerlanneqassaaq, ataasimiinnissamik piumasaqarnermiit sapaatip akunneri marluk qaangiutsinnagit.

Siulersuisut ataatsimiittassapput, minnerpaamik ukiumut sisamariarlutik, taakkulu ataatsimiinnerit oqarasuaatikkut assigisaatigulluunniit pisinnaapput.

§ 7. Aningaasaqarneq, naatsorsuutit kukkunersiuinerlu.

Imm. 1. Piffissaq naatsorsuusiorfik januarip aallaqqaataaniit deceberip naaneranut ingerlavoq. Imm. 2. Missingersuutinut naatsorsuutinullu siulersuisut akisussaapput.

Imm. 3. Kattufiup naatsorsuutai suleqatigisanit ingerlanneqartassapput, taakkuussallutillu allaffissornik ulluinnarni ingerlatsisut.

Imm. 4. Naatsorsuutit kukkunersiorneqassapput, kukkunersiuisunit ataatsimeersuarnerup qinigaanit

§ 8. Atsiortarnermut pisussaaffeqarnermullu maleruagassat

Imm. 1. Peqatigiiffik sinnerlugu siulittaasoq taassumalu saniatigut siulersuisuni ilaasortaq minnerpaami ataaseq peqatigalugu, atsiorsinnaapput. Siulersuisut aaliangersinnaapput, peqatigiiffiup allaffissornikkut ingerlanneqarnera allanut tunniussinnaallugu.

Taamaattoqarnerani atsiorsinnaaneq suleqatigisanut tunniunneqarsinnaavoq. Aningaasanik attartorniarnermi, illuutinik tunisinermi/pantsætning, siulersuisut tamarmik atsiussapput.

Imm. 1. Peqatigiiffik taamaallat pigisami nalillit nalingannut pisussaaffilerneqarsinnaavoq.

§ 9. Malittarisassanik allanguineq

Imm. 1. Uku malittarisassat taamaallaat ileqquusumik ataatsimeersuarnermi allanngortinneqarsinnaapput, allannguinissaq oqaluuserisassanut ilaasimappat. Malittarisassanik allannguisoqarsinnaavoq taasisinnaasunit 2/3-it allannguinissaq akuerisimappassuk.

Imm. 2. Malittarisassanik allannguineq atuutilissaaq, ataatsimeersuarnermi akuersissuteqarfiusumiit.

§ 10. Peqatigiiffimmik atorunnaarsitsineq

Imm. 1. Peqatigiiffimmik atorunnaarsitsineq aatsaat pisinnaavoq ataatsimeersuarnerni marlunni, taasisinnaasut 2/3-liisa akuersinerisigut, atorunnaarsitsinissarlu oqaluuerisassani ilaareersimappat. Ataatsimeersuarnerup aappaa ileqquusumik ataatsimeersuarnerussaaq.

Imm. 2. Peqatigiiffimmik atorunnaarsitsinermi peqatigiiffiup pigisai atorneqassapput malittarisassani § 2-mi taaneqaersimasunut siunertanut, allanulluunniit suliassanut tamanut iluaqutaasinnaasunut. Sumorpiaq atorneqarnissaat, ataatsimeersuarnerup, peqatigiiffimmik atorunnaarsitsisup, aaliangissavai.

§ 11. Ulluliinerit.

Imm. 1. Taamaalilluni akuerineqarput ataatsimeersuarnermi 29. august 2013.

Allanngortinneqarput 25. april 2015

Allanngortinneqarput 17. april 2016

Allanngortinneqarput 26. marts 2017

Allanngortinneqarput 13. april 2019

Allanngortinneqarput 24. maj 2020

Allanngortinneqarput 28. april 2021

Allanngortinneqarput 26. maj 2024